2019- жылдын  30-апрелинде  Ж.Баласагын  атындагы  Кыргыз  улуттук  университетинин   Педагогика  факультетинин                  Мектепке чейинки, мектеп педагогикасы  жана  билим  берүү технологиялары кафедрасын башчысы, п.и.к., профессор Адылбек кызы Гулназдын жетекчилигинин астында  «Башталгыч билим берүү»  боюнча  I  Эл аралык  предметтик  олимпиада  болуп өттү.

Бул олимпиадага  биздин окуу жайдан  «Педагогика»  кафедрасынын   кафедра  башчысы  Токтоболотова Г.Б. жетектеген  “Жаш  канат”  командасынын  1-курсунун  студенттери  катышты.

Олимпиаданын жыйынтыгында «Педагогикалык  чеберчилигин»  эң  жогорку денгээлде көрсөткөндүгү  үчүн  Билим Берүүдөгү  Заманбап Информациялык Технологиялар  Институтунун  « Педагогика»    кафедрасынын 1 курсунун студенттери 1 даражадагы диплом менен сыйланышты.