24.10.2924 И.Раззаков атындагы Кыргыз мамлекеттик техникалык университетинде «ЖОЖдордогу мамлекеттик тил маселелери»аталышындагы форум болуп өттү. Форумга Билим берүү жана илим министри Д,Ш,Кендирбаева,Мамлекеттик тил жана тил саясаты боюнча улуттук комиссиянын төрагасы М.К.Мураталиев, ЖОЖдордун ректорлору,проректорлору жана мамлекеттик тил боюнча эксперттер ошондой эле ИСИТОнун «Мамлекеттик тил боюнча жана кадр саясаты» боюнча проректору Ж.Ж.Пиримбаева жана жогорку кесиптик окуу жайынын бөлүм башчысы Ш.К.Абыдынова катышты. Форумда ЖОЖдордогу окутуу тилдери боюнча көйгөйлөр,окуу куралдары,мугалимдердин квалификациясын жогорулатуу,автордук усулдарды жайылтуу,кыргыз тилин билим берүүдө тил катары бекемдөө жана кыргыз тилин эне тил,экинчи тил жана чет тил катары окутуу маселелери каралды.