Маданий-массалык иш-чаралардын алкагында 2023-жылдын март айынын соңунда ИСИТОнун студенттери менен профессордук-окутуучулар курамы Б.Кыдыкеева атындагы Кыргыз мамлекеттик жаш көрүүчүлөр театры тарабынан коюлган Ч.Айтматовдун “Биринчи мугалим” спектаклине барып келишти.

Жагымдуу маанай тартуулаган спектаклден студенттер жан дүйнөсүн байытып кайтышты.

— Окуу планына ылайык келген чыгарманы сахнадан көрүү зор бакыт экендигине дагы бир жолу ынандык, — дешет студенттер.