2019-жылдын 19-декабрында ИСИТОдо Илимий кеңешчилердин кеңеши болуп өттү. Кеңештин мүчөсү, КР Президентине караштуу Мамлекеттик тил боюнча улуттук комиссиянын төрагасы, п.и.д., professor, КР билим берүүсүнө эмгек сиңирген кызматкер Ишекеев Назаркул Ишекеевич “Мамлекеттик тил саясаты: билингвизм жана көп тилдүүлүк” деген темада доклад жасады. Бул иш-чарага жогорку кесиптик билим берүү факультетинин окутуучулары катышып, маанилүү маалыматтарды ала алышты. Мындан сырткары, Улуттук программанын негизинде басмадан жарык көргөн китептердин көргөзмөсү уюштурулду.